நீங்கள் தேடியது "நண்பர்கள் கைது"

சேதாரப்பட்டு:

புதுவை அருகே உள்ளது தமிழக பகுதியான நாவற்குளம். இந்த ஊரைச் சேர்ந்த 15 வயது மாணவியும், அதே பகுதியை சேர்ந்த நரேஷ் (வயது 19) என்பவரும் காதலித்து வந்தனர். இவர்களில் மாணவி கோரிமேட்டில் ஒரு பள்ளியில் 9-ம் வகுப்பு படித்து வருகிறார். நரேஷ் மதகடிப்பட்டில் உள்ள தனியார் என்ஜினீயரிங் கல்லூரியில் படிக்கிறார். இவர்கள் இருவரும் நீண்ட நாட்களாக காதலித்து வந்தனர். அவர்கள் அடிக்கடி சந்தித்துக்கொள்வது வழக்கம்.

இந்த நிலையில் அவர்களுக்கிடையே திடீர் என்று தகராறு ஏற்பட்டது. மாணவி தனது காதலனை சந்திக்காமல் இருந்து வந்தார். இதனால் நரேஷ் ஆத்திரம் அடைந்தார். பின்னர் அவர் மாணவியிடம் மீண்டும் தன்னிடம் பேசுமாறு கூறினார். என்னிடம் பேசாவிட்டால் நாம் தனிமையில் சந்தித்து பேசியதை உன் பெற்றோரிடம் கூறுவேன் என்று மிரட்டல் விடுத்தார்.

இந்த நிலையில் மாணவியிடம் நேற்று காலையில் நரேஷ் பேசினார். அப்போது உன்னிடம் பேச வேண்டி உள்ளது. சேதாரப்பட்டு வானூர் விநாயக புரத்தை சேர்ந்த ராஜா (32) என்பவர் உள்ளார். அவர் எனது நண்பர் ஆவார். அவரது வீட்டுக்கு செல்வோம் என்று அழைத்தார்.

இதனை நம்பி அந்த மாணவி காதலனுடன் ராஜா வீட்டுக்கு சென்றார். அங்கு சென்றதும் மாணவிக்கு நரேஷ் குளிர்பானம் குடிக்க கொடுத்தார். அதில் அவருக்கு தெரியாமல் மயக்க மருந்தை கலந்தார். இதனை அறியாத அந்த மாணவி காதலன் கொடுத்த குளிர்பானத்தை குடித்தார்.

குளிர்பானம் குடித்த சிறிது நேரத்தில் மாணவி மயக்கம் அடைந்து கீழே விழுந்தார். இந்த சந்தர்ப்பத்தை பயன்படுத்தி மாணவர் நரேஷ் அந்த மாணவியிடம் பாலியல் பலாத்காரம் செய்தார்.

மேலும் அவர் மொரட்டாண்டி கிராமத்தை சேர்ந்த தன் நண்பர் சூர்யா (21) என்பவரையும் அங்கு வருமாறு அழைத்தார். சூர்யாவும் அங்கு சென்றார். பின்னர் அவரும் மாணவியை பாலியல் பலாத்காரம் செய்தார். சிறிது நேரத்தில் ராஜாவும் அந்த மாணவியை பாலியல் பலாத்காரம் செய்தார்.

இந்த நிலையில் மகள் வீட்டில் இருந்து வெளியே சென்றவள் வெகு நேரமாகியும் வீடு திரும்பாததால் பெற்றோர் கவலை அடைந்தனர். பின்னர் அவர்கள் இது குறித்து ஆரோவில் போலீசில் புகார் செய்தனர்.

அதன் பேரில் சப்-இன்ஸ் பெக்டர் கவிதா வழக்குபதிவு செய்து மாயமான மாணவியை தேடி வந்தார்.

இரவு 8 மணி அளவில் அந்த மாணவி உடல் சோர்ந்து தள்ளாடியபடி தன் வீட்டின் அருகே நடந்து வந்து கொண்டு இருந்தார். இதைப் பார்த்ததும் பெற்றோர் அவளை தன் வீட்டுக்கு அழைத்து சென்றனர்.

அப்போது அந்த மாணவி கதறி அழுதாள். பெற்றோர் ஏன் அழுகிறாய் என்று கேட்டனர். அப்போது மாணவி தனக்கு ஏற்பட்ட கொடுமையை குறித்து கூறினார். இதைக் கேட்டதும் பெற்றோர் அதிர்ச்சி அடைந்தனர்.

இது குறித்து போலீசில் புகார் செய்யப்பட்டது. உடனே போலீசார் சேதாராப்பட்டு சென்றனர். அங்கு மது போதையில் இருந்த நரேஷ், அவரது நண்பர்கள் சூர்யா, ராஜா ஆகியோரை பிடித்தனர். அப்போது நரேஷ் மாணவிக்கு குளிர் பானத்தில் மயக்க மருந்து கொடுத்து பாலியல் பலாத்காரம் செய்ததை ஒப்புக் கொண்டார்.

இதைத் தொடர்ந்து போலீசார் வழக்குப் பதிவு செய்து காதலன் நரேஷ், அவரது நண்பர்கள் சூர்யா, ராஜா ஆகியோரை கைது செய்தனர். கைதான 3 பேரையும் இரவே நீதிபதி வீட்டில் ஆஜர் படுத்தினர். அவர்களை சிறையில் அடைக்க நீதிபதி உத்தர விட்டார்.

அதனைத் தொடர்ந்து கைதான 3 பேரும் கடலூர் மத்திய சிறையில் அடைக்கப்பட்டனர்.

இதற்கிடையே பாலியல் பலாத்காரம் செய்யப்பட்ட அந்த மாணவிக்கு இன்று அரசு ஆஸ்பத்திரியில் மருத்துவ பரிசோதனை செய்யப்படுகிறது.  #studentmolestation

பெரியபாளையம்:

பெரியபாளையத்தில் உள்ள தனியார் தொழிற்சாலையில் அசாம் மாநிலத்தைச் சேர்ந்த கோகுல், அவரது நண்பர்களான முன்னூ, டெப்பாஜித், மொன்னா ஆகியோர் பணியாற்றி வருகின்றனர்.

இவர்கள் 4 பேரும் பெரியபாளையம்- யானம் பாக்கம் சாலையில் உள்ள மதுபானக் கடையில் மது அருந்தினர். அப்போது மதுவை பங்கு வைத்தபோது பிரச்சினை ஏற்பட்டது.

இதனால் ஒருவரை ஒருவர் தரக்குறைவாக திட்டிக் கொண்டனர். அப்போது நண்பர்கள் மூவரையும் கோகுல் தடுத்துள்ளார். இதனால் ஆத்திரம் அடைந்த நண்பர்கள் 3 பேரும் சேர்ந்து கோகுலை சரமாரியாக தாக்கினார்கள்.

இதில், படுகாயமடைந்து காது, வாய், மூக்கில் ரத்தம் வந்து கோகுல் உயிருக்கு போராடினார். அருகில் இருந்தவர்கள் கோகுலை மீட்டு சென்னை அரசு ஆஸ்பத்திரிக்கு கொண்டு போய் அனுமதித்தனர்.

கோகுலை தாக்கிய நண்பர்கள் மூவரையும் போலீசார் கைது செய்து காவல் நிலையம் கொண்டு வந்தனர்.

இந்நிலையில், தீவிர சிகிச்சை அளித்தும் பலன் இன்றி நேற்று கோகுல் பரிதாபமாக பலியானார்.

எனவே, குற்றவாளிகள் 3 பேர் மீதும் வழக்குப்பதிவு செய்து ஊத்துக்கோட்டை முதல் நிலை குற்றவியல் நீதிமன்ற நீதிபதி முன்னிலையில் ஆஜர்படுத்தி புழல் சிறையில் அடைத்தனர்.

கும்பகோணம்:

தஞ்சை மாவட்டம் கும்பகோணம் அருகே உள்ள அவனியாபுரம் பகுதியை சேர்ந்தவர் சாகுல்ஹமீது. இவர் வெளிநாட்டில் வேலை பார்த்து வருகிறார். இவரது மனைவி மும்தாஜ்பேகம். இவர்களுக்கு முன்தசீர் (வயது 19) என்ற மகனும், ஒரு மகளும் உண்டு. முன்தசீர் அருகே உள்ள ஒரு தனியார் என்ஜினீயரிங் கல்லூரியில் 2-ம் ஆண்டு படித்து வந்தார்.

சாகுல்ஹமீது வெளி நாட்டில் இருப்பதால் முன்தசீர் தனது தாய் மற்றும் சகோதரியுடன் அவணியாபுரத்தில் வசித்து வந்தார்.

இந்த நிலையில் நேற்று முன்தினம் மாலை திருமங்கலகுடியில் உள்ள தனது அக்கா வீட்டுக்கு சென்று வருவதாக தாய் மும்தாஜ்பேகத்திடம் கூறி விட்டு முன்தசீர் வீட்டில் இருந்து வெளியே சென்றார்.

நள்ளிரவில் அவரது செல்போன் நம்பரில் இருந்து மும்தாஜ்பேகத்துக்கு ஒரு போன் வந்தது. அதில் பேசிய மர்ம நபர் உங்கள் மகனை நாங்கள் கடத்தி வைத்துள்ளோம். அவன் உயிரோடு வேண்டுமானால் எங்களுக்கு ரூ.5 லட்சம் வேண்டும் என்று கூறி மிரட்டி உள்ளார்.பின்னர் போன் இணைப்பை துண்டித்து விட்டார்.

இதை கேட்டு அதிர்ச்சியடைந்த மும்தாஜ்பேகம் உடனடியாக உறவினர்களை அழைத்து கொண்டு திருவிடைமருதூர் போலீஸ் நிலையத்துக்கு சென்றார். அங்கு போலீசாரிடம் நடந்த விவரங்களை கூறினார். இதையடுத்து போலீசார் விசாரணை நடத்தி வந்தனர்.

இந்த நிலையில் நேற்று திருபுவனம் வீரசோழன் ஆற்றங்கரையோரம் கழுத்து அறுத்து முன்தசீர் மர்மமான முறையில் கொலை செய்யப்பட்டு கிடந்தார்.

இதுபற்றி தகவல் அறிந்த அவரது தாய், மற்றும் உறவினர்கள் மற்றும் திருவடைமருதூர் போலீசார் சம்பவ இடத்துக்கு விரைந்து வந்தனர்.

இதையடுத்து அவரது உடலை மீட்டு பிரேத பரிசோத னைக்காக கும்பகோணம் அரசு ஆஸ்பத்திரிக்கு போலீசார் அனுப்பி வைத்தனர்.

இது குறித்து போலீசார் வழக்குப்பதிவு செய்து முன்தசீரை கடத்தி கொலை செய்தது யார்? என்ன காரணம்? என்ற பல்வேறு கோணங்களில் விசாரணை நடத்தினர்.

போலீசாரின் முதல்கட்ட விசாரணையில் முன்தசீரை அவரது கல்லூரி நண்பர்கள் 3 பேர் சேர்ந்து தீர்த்து கட்டியது தெரிய வந்தது.

கும்பகோணம் அருகே திருபுவனம் பகுதியை இஜாஜ் அகமது (வயது 20), ஜலாலுதீன் (19), முகமது சமீர் (18) ஆகிய 3 பேரும் சேர்ந்து முன்தசீரை கழுத்தறுத்து கொலை செய்தது தெரியவந்தது. இதையடுத்து 3 பேரையும் போலீசார் நேற்று இரவு கைது செய்தனர்.

போலீசார் விசாரணையில் முன்தசீர், ஒரு இளம்பெண்ணை காதலித்து வந்ததாக கூறப்படுகிறது. இதனால் காதல் விவகாரத்தில் முன்தசீரை, நண்பர்கள் 3 பேரும் சேர்ந்து கொலை செய்ததாக கூறப்படுகிறது. கைதான 3 பேரிடம் போலீசார் தொடர்ந்து விசாரித்து வருகிறார்கள்.

திருச்சி:

திருச்சி மத்திய பேருந்து நிலையம் அருகே டாஸ்மாக் கடை உள்ளது‌. நேற்று இரவு டாஸ்மாக் கடையினை பூட்டிய நேரத்தில் 4 வாலிபர்கள் கடைக்கு வந்து மது வேண்டும் என கேட்டுள்ளனர்.

அப்போது கடை ஊழியர் இப்ராகிம்சா ( வயது 40), கடையை மூடிவிட்டோம், இனி மதுபானங்கள் கிடையாது என கூறியுள்ளார். ஏற்கனவே போதையில் இருந்த அவர்கள் கடையின் முன்பு நின்று தகராறு செய்தனர். அப்போது கடை ஊழியர் அவர்களை கலைந்து செல்லுமாறு கூறியுள்ளார். இருப்பினும் அவர்கள் அங்கிருந்து செல்லாமல், கடை ஊழியரை தாக்கினர்.

இது குறித்து அவர் கண்டோன்மெண்ட் போலீசில் புகார் செய்தார். அதனை தொடர்ந்து சம்பவ இடத்திற்கு சென்ற சப்- இன்ஸ்பெக்டர் ரமேஷ் ரகளையில் ஈடுபட்டவர்களை தடுத்து நிறுத்தினார்.

இது குறித்து கடை ஊழியர் அளித்த புகாரின் பேரில் போலீசார் 4 பேரை கைது செய்தனர். விசாரணையில் அவர்கள் குளித்தலை பகுதியை சேர்ந்த கோவிந்தராஜ் (23), மணப்பாறையை சேர்ந்த ராஜா (29), சிறுகமணியை சேர்ந்த கிருஷ்ணகுமார் (25), அல்லித்துறையை சேர்ந்த முருகானந்தம் (25) என்பது தெரியவந்தது. 4 பேரும் சிறையில் அடைக்கப்பட்டனர்.

வந்தவாசி:

வந்தவாசி அருகே உள்ள கடம்பை கிராமத்தை சேர்ந்தவர் முனுசாமி மகன் கமல்ராஜ் (வயது 25). மும்முனி குளக்கரையில் கடந்த மாதம் 24-ந் தேதி காலில் வெட்டு காயத்துடன் கொலை செய்யபட்டு பிணமாக கிடந்தார்.

வந்தவாசி டி.எஸ்.பி பொற்செழியன் இன்ஸ்பெக்டர் கவுரி, சப்இன்ஸ்பெக்டர்கள் வரதராஜ், மகாலட்சுமி, ஏட்டுக்கள் முருகன், தட்சணாமூர்த்தி, ஏழுமலை ஆகியோர் கொண்ட தனிப்படை தீவிர விசாரணை நடத்தி வந்தனர். இந்நிலையில் நேற்று மாலை ஐந்து கண் பாலம் அருகே சப்.இன்ஸ்பெக்டர் வரதராஜ் தலைமையிலான போலீசார் வாகன தணிக்கையில் ஈடுப்பட்டனர்.

அப்போது பைக்கில் வந்த 2 வாலிபர்கள் முறையான ஆவணம் காட்டாமல் முன்னுக்கு பின் முரணான தகவல் தெரிவித்ததால் 2 பேரையும் போலீஸ் நிலையம் அழைத்து சென்று விசாரணை நடத்தினர். அதில் இருவரும் ஓட்டி வந்த பைக் கொலையான கமல்ராஜிக்கு சொந்தமானது என தெரியவந்தது,

மேலும் அவர்கள் விளாநல்லூர் கிராமத்தைச்சேர்ந்த சாந்தவேல் (35) வந்தவாசி டவுன் கோட்டை பகுதியை சேர்ந்த சாமுவேல் (25) என தெரியவந்தது. பின்னர் இருவரும் கமல்ராஜை கொலை செய்து மும்முனி குளக்கரையில் வீசி சென்றதை ஒப்புக்கொண்டனர்.

அவர்கள் போலீசாரிடம் அளித்துள்ள வாக்குமூலத்தில் கூறியிருப்பதாவது:-

கடந்த மாதம் 21ந்தேதி 3 பேரும் கிருஷ்ணாவரம் கூட்டுசாலை அருகே அமர்ந்து மது குடித்தோம். அப்போது மதுவில் போதை பொருளை கலந்து சாந்தவேலுக்கு கொடுத்து அவர் மயங்கிய நிலையில் இருந்த போது அவரது பாகெட்டில் இருந்த ரூ.4 ,500 பணத்தை கமல்ராஜ் திருடி விட்டார்.

இதனை தொடர்ந்து கடந்த 24ந்தேதி நாங்கள் இருவரும் கமல்ராஜை மது அருந்த அழைத்தோம். ஆயிலவாடி கூட்டுசாலையில் வைத்து மது அருந்தினோம். பணத்தை திருடியது குறித்து கமல்ராஜிடம் கேட்டதற்கு அவர் மறுத்தார்.

இதனால் ஏற்பட்ட தகராறில் இருவரும் சேர்ந்து கமல்ராஜை காலில் மீன் வெட்டும் கத்தியால் வெட்டினோம். பின்னர் பைக்கில் கொண்டு வந்து மும்முனி குளக்கரையில் பொதுமக்கள் பார்க்கும்படி போட்டு சென்றால் காப்பாற்றி மருத்துவமனைக்கு கொண்டு செல்வார்கள் என நினைத்து போட்டு சென்று விட்டோம். 

இவ்வாறு அதில் கூறியுள்ளனர்.

சாமுவேல், சாந்தவேல் இருவரையும் போலீசார் கைது செய்து வேலூர் ஜெயிலில் அடைத்தனர்.

திருப்பூர்:

திருப்பூர் மாவட்டம் மங்கலம் அருகே உள்ள ஊஞ்சப்பாளையத்தை சேர்ந்தவர் மகேந்திரன் (30). இவர் கருமத்தம் பட்டியில் உள்ள ஒர்க்ஷாப்பில் தொழிலாளியாக வேலை பார்த்து வந்தார்.

கடந்த 25-ந் தேதி மங்கலம் அருகே உள்ள கல்லப்பாளையம் காட்டு பகுதியில் மகேந்திரன் கொலை செய்யப்பட்டு பிணமாக கிடந்தார். கொலையாளிகளை பிடிக்க இன்ஸ்பெக்டர்கள் முத்துசாமி, சரோஜினி ஆகியோர் தலைமையில் 2 தனிப்படை அமைக்கப்பட்டது.

அவர்கள் தீவிர விசாரணை நடத்தி வந்தனர். விசாரணையில் மகேந்திரனை அவரது நண்பர்கள் குமார் (31), செந்தில் குமார் (28)பாண்டியன் (28) ஆகிய 3 பேரும் சேர்ந்து கொலை செய்தது தெரியவந்தது.

அவர்களை போலீசார் கைது செய்தனர். அவர்கள் போலீசில் கொடுத்த வாக்கு மூலத்தில் கூறி இருப்பதாவது-

நாங்கள் 4 பேரும் அடிக்கடி மது குடிப்போம். இதற்கு பணம் தேவைப்பட்டால் மங்கலத்தில் உள்ள குளத்தில் மீன் பிடித்து அதனை விற்பனை செய்து மது அருந்துவோம்.

மேலும் இரவு நேரங்களில் மங்கலம் பகுதிகளில் உள்ள தென்னை மரத்தில் இளநீர்களை திருடி பகலில் விற்பனை செய்து அதில் கிடைக்கும் வருமானத்தில் மது குடித்து வந்தோம்.

நாங்கள் 3 பேரும் தென்னை மரத்தில் ஏறி இளநீர் வெட்டுவோம். அதனை மகேந்திரன் தான் விற்பனை செய்து வந்தார். அதில் கிடைக்கும் பணத்தை பிரிப்பதில் எங்களுக்குள் தகராறு இருந்து வந்தது.

மகேந்திரன் அதிக பணத்தை எடுத்து விடுவார். இதனை பல முறை அவரிடம் கேட்டு வந்தோம். சம்பவத்தன்று இரவு இளநீர் திருட சென்றோம். அப்போது மது அருந்தினோம். அந்த சமயத்தில் மகேந்திரனிடம் நீ மட்டும் பணத்தை அதிகமாக எடுத்து கொள்கிறாயே? என கேட்டோம்.

அதற்கு அவர் நீங்கள் இளநீரை பறித்து மட்டும் தான் கொடுக்கிறீர்கள். நான் தான் ஊர்? ஊராக சென்று விற்று வருகிறேன். அதனால் தான் அதிக பணத்தை எடுத்து கொள்கிறேன் என்றார்.

இதில் எங்களுக்குள் தகராறு உருவானது. ஆத்திரம் அடைந்த நாங்கள் இளநீர் வெட்டும் அரிவாளால் மகேந்திரனை துரத்தி சென்று வெட்டி கொன்றோம்.

இவ்வாறு அவர்கள் கூறி உள்ளனர்.

முத்துப்பேட்டை:

திருவாரூர் மாவட்டம், முத்துப்பேட்டை அடுத்த ஆலங்காடு படித்துறை பகுதியில் வசிப்பவர் முருகானந்தம்(வயது24), திருப்பூரில் வேலை பார்க்கும் போது தன்னுடன் வேலை பார்த்த முருகவள்ளி(20) என்ற பெண்ணை காதலித்து திருமணம் செய்துகொண்டார். பின்னர் இருவரும் ஊர் திரும்பி ஆலங்காடு பகுதியில் வசித்து வருகின்றனர். தற்போது முருகவள்ளி 3 மாத கர்ப்பிணியாக உள்ளார்.

இந்தநிலையில் முருகானந்தத்தின் நண்பர்களான பேட்டையை சேர்ந்த சுப்பிரமணியன் மகன் பூவரசன்(23), ஜாம்புவானோடையை சேர்ந்த மாரிமுத்து மகன் நித்தியானந்தன் (25) ஆகியோர் நேற்று பேட்டை கோவிலில் நடந்த திருவிழாவிற்கு முருகானந்ததை அழைத்து சென்றுள்ளனர். அங்கு முருகானந்தத்தை விட்டுவிட்டு அவருக்கு தெரியாமல் ஊர் திரும்பியுள்ளர்.

பின்னர் பூவரசன், நித்தியானந்தன் ஆகியோர் முருகானந்தம் வீட்டிற்கு சென்றுள்ளனர். அங்கு தனியாக இருந்த முருகவள்ளியின் வாயில் துணியை வைத்து கட்டி 2 பேரும் சேர்ந்து கற்பழித்து உள்ளனர். அப்போது அங்கு வந்த முருகவள்ளியின் மாமியார் பார்வதி இதனை பார்த்து சத்தம் போட்டுள்ளார். இதனால் 2 பேரும் அங்கிருந்து தப்பியோடி விட்டனர்.

இதுகுறித்து முத்துப்பேட்டை போலீசில் முருகவள்ளி புகார் செய்தார். வழக்குப்பதிவு செய்த இன்ஸ்பெக்டர் ராஜேஷ், சப்-இன்ஸ்பெக்டர் கணபதி ஆகியோர் பூவரசன், நித்தியானந்தன் ஆகிய இருவரையும் கைது செய்தனர். முருகவள்ளியை போலீசார் திருவாரூர் அரசு மருத்துவக்கல்லூரி மருத்துவமனைக்கு அழைத்து சென்று மருத்துவ பரிசோதனை செய்தனர்.

கைது செய்யப்பட்ட இருவரையும் திருத்துறைப்பூண்டி கோர்டில் போலீசார் ஆஜர்படுத்தப்படுத்தி திருச்சி மத்திய சிறையில் அடைத்தனர்.

இச்சம்பவம் முத்துப்பேட்டை பகுதியில் பெரும் பரபரப்பை ஏற்ப்படுத்தியுள்ளது.